關於
我哋。

你好，我係 72LightUp 嘅店主。

一間小小嘅手工藝工作室——由 2020 年開始喺香港教蠟燭， 2023 年 4 月 30 日終於有屬於自己嘅小店舖。觀塘怡生工業大廈 7 樓 A 室 9 號舖，一個有小小露台、會曬到太陽嘅角落。我想創造好似屋企一樣嘅溫暖感覺——冇壓力，先至能令自己創意醞釀。

三年嘅蠟燭班教學，最後搵到一個屬於自己嘅小店，先有勇氣教授證書課程。回想當初為交學費開始小生意，慢慢累積工作坊經驗、自創作品，再膽粗粗擺市集——一句加油嘅力量足以令我眼濕濕。

我希望嚟到呢度嘅每一位客人，都能享受屬於自己嘅三個小時：可以同朋友傾偈、可以靜靜聽住音樂創作、鍾意嘅同我談談生活。希望帶畀你嘅唔只係一支蠟燭——係一個喘息嘅空間。

— 店主，aka 香港蠟燭師 / 社工