JCAA 2024 入圍作品｜煌めく薔薇

每一個人都應該有閃閃發亮嘅人生。唔係由其他人去定義價值，而係自己願意為只有一次嘅人生發光發亮。

今年製作蠟燭有感：因為自己瘋狂嘅念頭——製作一朵閃亮嘅玫瑰花啦！內心嘅獨白係：太痛苦！當喺香港機場未出發我嘅花瓣已經爛，到東京 Airbnb 煲蠟，用風筒吹軟每一片蠟燭，最後能夠帶到東京鐵塔展覽，已經係感動到要死。

## 「煌めく薔薇」作品自述

捕捉咗薔薇最美嘅一刻，將觀者引入花朵華麗嘅景色之中。希望透過呢個作品，傳達生命嘅美好同尊貴。